Speurder Obed de Swardt ondersoek kinderverdwynings wat aan 'n spook toegeskryf word, maar word in die vallei vasgekeer deur 'n dodelike gas, wat hom dwing om die menslike meesterbrein agter die bonatuurlike terreur te ontmasker.
USD $6.99
8. SWERWER SPEURDER REEKS - DIE DOOD KRUIP NADER
In die afgesonderde, rustige vallei van Wesselsdal, waar die lewe voorspelbaar en vreedsaam is, slaan ’n nagmerrie onverwags toe. ’n Jong seuntjie, Jannie Botha, verdwyn spoorloos uit sy eie agterplaas. Die hegte gemeenskap se paniekbevange soektog lewer niks op nie. Die kind is weg, asof deur die aarde ingesluk.
Die ware verskrikking begin egter in die middel van die nag, wanneer Jannie se ouers sy stem in hul slaapkamer hoor. Dit is ’n boodskap uit die duister, ’n waarskuwing van die vallei se oorlede stigter, Jakob Wessels. Verlaat Wesselsdal, of julle sien jul kind nooit weer nie. Wanneer ’n tweede seun onder dieselfde raaiselagtige omstandighede verdwyn en sy ouers dieselfde bonatuurlike boodskap ontvang, verander die dorp se vrees in ’n histeriese paniek. Die saak lok die aandag van die legendariese privaatspeurder, Obed de Swardt, ook bekend as die swerwer-speurder. Hy kom stilweg op die dorp aan, vasbeslote om die waarheid agter die spookstories en verdwynings te ontbloot. Maar selfs hy is nie voorbereid op die onheil wat in die vallei broei nie. Sy eie nagmerrie ondervinding in die hotel, wat fisiese bewyse nalaat, laat hom wonder of hy met ’n rustelose gees of ’n briljante, psigopatiese mens te doen het.
Die spanning bereik breekpunt wanneer ’n vreemde reënbui die vallei in ’n groen hel omskep. Plante groei teen ’n onnatuurlike, skrikwekkende tempo, en saam met hierdie groteske lewe begin ’n onsigbare, dodelike gas die laagliggende dele van die kom opvul. Terwyl die meeste inwoners op die vlug slaan, besef Obed en ’n handjievol bondgenote, insluitend ’n dapper verslaggewer en die plaaslike sersant, die grusame waarheid. Hulle is vasgekeer! Afgesny van die buitewêreld, met telefoondrade wat geknip is en die kragstasie wat gesaboteer is, begin ’n desperate wedloop teen tyd. Is dit die wraak van Jakob Wessels se gees, of die werk van ’n genadelose, menslike siek brein met ’n skokkende motief? Obed moet die vallei se dodelike geheim ontrafel voordat die stilte finaal oor hulle toesak.
#SwerwerSpeurderReeks
Gerrie Radlof is die skuilnaam van Gerrit Lubbe van Zyl (27/11/1923 - 20/9/1971) en is nog een van Suid Afrika se top skrywers wat op ’n redelike jong ouderdom in ’n motorongeluk buite Melbosstrand oorlede is. Hy is veral bekend vir sy uiters gewilde Buiter boeke (hardeband), maar het ook groot hoogtes bereik met sy alombekende Oloff die Seerower sagteband reeks verhale. Dan is daar ook sy effens minder bekende Ramala reeks, wat egter sy langste reeks boeke is en ook die Tamar reeks, wat net uit twee boeke bestaan. Onder Gerrie Radlof skryf hy ook verskeie boeke in die SA Polisie reeks en ook die Swerwer Speurder reeks. Braam le Roux is die skuilnaam van Abraham le Roux (28/8/1918 - 31/12/1956) het feitlik al sy boeke onder die betrokke skuilnaam van Braam le Roux geskryf. Hy is egter tragies oorlede op ’n jong ouderdom van 38 jaar. Braam le Roux se uiters populêre Swart Luiperd reeks is ongetwyfeld sy bekendste reeks wat hy geskryf het. Na die vroegtydige afsterwe van Braam le Roux is Meiring Fouche genader om die Swart Luiperd reeks oor te neem en dit voltooi weens die gewildheid van die reeks toe dit die eerste maal verskyn het. Die reeks eindig toe met sewentig boeke. Buiten die Swart Luiperd reeks het Braam le Roux ook verskeie ander sagteband stories geskryf, in ander ook baie gewilde reekse, soos bv. die Temmers van die Woestyn reeks, SA Polisie reeks en Swerwer Speurder reeks. Sy paar hardeband boeke was minder populêr, alhoewel dit vandag steeds gelees word deur ieder en elk. Vandag word Braam le Roux allerweë beskou as een van die grootste Afrikaanse storieverhaal skrywers wat die land nog opgelewer het. In sy kort leeftyd het hy meer as ’n honderd sagteband boeke en meer as tien hardeband boeke geskryf en dit ewenaar ander groot skrywers soos Meiring Fouche, Gerrie Radlof en Casper H. Marais (almal skuilname), wie dit egter ’n leeftyd geneem het om ook meer as ’n honderd boeke te kon skryf. Het Braam le Roux sy lewe lank boeke geskryf, sou hy vandag seker ongetwyfeld bekend gestaan het as die grootste Afrikaanse storieboek skrywer in Suid Afrika se geskiedenis. Bitter min inligting is bekend oor Gys van Graan. Ons weet van meer as tien sagteband boeke wat hy geskryf het, maar geen hardebande nie. Hy het die Ridder reeks in sagteband geskryf, net minder as tien stories in die Swerwer Speurder reeks en ook enkele losstaande verhale. So ver bekend het hy onder geen skuilname geskryf nie. Bostaande drie skrywers het almal bygedra aan die Swerwer Speurder reeks van twee-en-twintig verhale, waarvan Gerrie Radlof die meeste stories in die reeks geskryf het, naamlik nege, Gys van Graan het agt geskryf en Braam le Roux het vyf daarvan geskryf. In kort handel die reeks oor ’n privaat speurder met die naam van Obed de Swardt. Hy bly saam met sy wolfhond genaamd Jagter en sy persoonlike sjef genaamd Amos, in Drie Gewels, ’n gerieflike groot huis in Linden, Johannesburg. Dan is daar ook sy aanvallige nooientjie Tessa Brink, wat hom ondersteun in vele van sy privaat speurwerk. Van jongs af het Obed al belang gestel in kriminologie en dit is juis hierdie uitdaging om kragte te meet met kriminele, wat aan hom die avontuur en lewenslus besorg waarna hy smag. Weens sy uitstekende rekord het Obed ook baie gou bekend geraak as die bobaas swerwer-speurder in die land. Verder is hy ook ’n kranige rugbyspeler wat vir Transvaal rugby speel in die vleuel posisie. Obed het ’n Bosveldplaas by sy pa geërf en daar boer ’n voorman namens hom op sy plaas. Die inkomste wat daaruit gegenereer word, is meer as genoeg vir Obed om luuks te lewe. Ten spyte daarvan dat Obed nie nodig het om te werk nie, doen hy privaat speurwerk en spoor hy meeste van sy sake self op, waarvoor hy gewoonlik nie betaling ontvang nie. Soms kontak sy een polisie vriend, Eddie, hom om te help met ’n belangrike saak, wat die polisie sukkel om self opgelos te kry. Dan is daar ook Jan Wiese, ’n goeie vriend van Obed, wat ’n redaksielid is van ’n groot dagblad in die stad en Obed verskaf altyd eerste vir hom die nuuswaardige stories, in ruil vir sy hulp van tyd tot tyd. Elke verhaal is uniek en propvol spanning en intriges wat die leser deurgaans aan die raai sal hou en groot genot sal verskaf om te lees.
