Hulle het haar pa vir sy beeste vermoor en in die Kalahari gevlug, gerus dat niemand hulle sal volg nie. Maar die legendariese grensvegter Ryk Schoonraad is sterk op hul spoor. Alleen en in die minderheid, jag hy die moordenaars vir wraak.
USD $6.99
2. RYK SCHOONRAAD REEKS - VLAMME IN DIE KALAHARI
Die geharde grensboer, Helm du Plessis, word koelbloedig vermoor en sy kosbare beestrop van seshonderd osse word deur gemaskerde ruiters geroof terwyl hy op pad is na Kimberley se mark. Sy dogter, Ansie, die enigste getuie, bereik die grensdorpie Kameeldraai verskrik en gebroke. Hierdie voorval is die jongste in ’n vlaag veediefstalle wat die gemeenskap teister.
Die legendariese Ryk Schoonraad, bekend vir sy onverskrokkenheid en regverdigheidsin, daag by die dorp op en bied onmiddellik sy hulp aan die pragtige Ansie. Ten spyte van die boere se aandrang om ’n kommando te vorm, besluit Ryk om die veediewe, ’n bende van tien of meer gewapende mans, alleen agterna te sit. Hy glo ’n enkele ruiter sal minder opsigtelik wees. Sy soektog neem hom diep die Kalahari in, waar hy gou ontdek dat die veediewe na Duits Suidwes-Afrika op pad is. Ryk word egter voorgelê deur Jurie Vermaas, een van die bendelede wat hy die vorige aand as ’n prospekteerder in Kameeldraai ontmoet het. En dit is maar net die begin van al sy probleme.
#rykschoonraadreeks
Meiring Fouche is die skuilnaam van Francois Alwyn Venter (27/11//1916 - 8/1/1997) en is een van Suid Afrika se top skrywers wat oor ’n wye reeks van onderwerpe kon skryf. Ander skuilname wat hy gebruik het vir sy boeke was Marius de Jongh, Elske te Water en Rene Stegman. Onder die skuilnaam Meiring Fouche skryf hy egter meeste van sy boeke en bereik gou groot hoogtes met veral sy vier trek boeke, Offerland, Gelofte land, Geknelde land en Bedoelde land. Na die vroeë dood van Braam le Roux, neem F.A. Venter die bekende Swart Luiperd reeks oor by Braam le Roux en voltooi die reeks van sewentig boeke. Onder die skuilnaam Meiring Fouche skryf hy ook verskeie ander reekse (Baanbrekers reeks, Ryk Schoonraad reeks, Maagd van die See reeks, SA Polisie reeks en Fabel Retief reeks), waarvan die Sahara avontuur reeks seker een van sy heel beste reekse is. Hy het ook verskeie ander boeke geskryf, in reekse soos die SA Polisie reeks, terwyl ’n paar losstaande sagteband boeke ook uit sy pen verskyn het. In totaal het F.A. Venter meer as negentig sagteband boeke geskryf en meer as veertig hardeband boeke. F.A. Venter het ook verskeie kortverhale geskryf. Onder die skuilnaam van Meiring Fouche het hy vier boeke in die Ryk Schoonraad reeks geskryf, waarvan twee ook val onder die Baanbrekers reeks. Al vier boeke handel oor die begin tydperk van Suid Afrika se geskiedenis, toe alles nog woes en leeg was en die lewe nie maklik was vir enigeen nie. Dit kan tereg beskou word as SA se eie “cowboy” tydperk. Die vier boeke, “Die Rooi Klippies van Tandberg”, “Vreemde Vrou in die Wildernis”, “Vuilspel op die Vlaktes” en “Vlamme in die Kalahari”, handel oor Ryk Schoonraad se avonture in die wilde weste. Saam met sy getroue hond Napoleon het hy sy hande behoorlik vol met veediewe en ander skurke. Dan is daar natuurlik altyd ’n mooi dame ook wat hy uit die verknorsing moet red. Vir die lesers wat Meiring Fouche se stories ken, sal weet dat hy hier weereens vier fantastiese verhale geskryf het, oor die unieke tydperk in Suid Afrika se geskiedenis en die leser sal boei met sy verhale van begin tot einde. Maak dus seker jy mis nie uit om hierdie vier puik boeke ook te lees nie.
