In die wettelose Kaapkolonie kom ’n alleenstaande vrou aan om die waarheid oor haar pa, ’n prospekteerder wat met ’n fortuin in edelstene verdwyn het, te ontbloot. Om te oorleef, moet sy ’n bondgenootskap met ’n grensvegter sluit.
USD $6.99
3. RYK SCHOONRAAD REEKS - DIE ROOI KLIPPIES VAN TANDBERG
Die versengende hitte en stof van Graskolk, ’n afgeleë grensdorpie in die woeste Noord-Kaap, word skielik ontstig deur die dramatiese aankoms van die raaiselagtige Roelien van der Spuy. Elegant op haar spogperd, maar gewapen en vasberade, is sy op soek na antwoorde oor haar pa, Helgaardt, wat twee jaar tevore spoorloos in die omgewing verdwyn het. Haar onverskrokke teenwoordigheid en direkte vrae saai onmiddellik ’n tasbare spanning en diep agterdog onder die geharde manne in die plaaslike kroeg.
Die galante en vreeslose Ryk Schoonraad tree na vore as Roelien se onverwagse bondgenoot nadat hy haar teen die plaaslike bullebak, Basie Broeksema, beskerm. Saam begin hulle die donker web van Helgaardt se verdwyning ontrafel, ’n gevaarlike spoor wat lei na gerugte van ’n verlore skat, die rooi klippies van Tandberg, en die onheilspellende moontlikheid van moord. Roelien se lewe word kort daarna bedreig met dodelike slange wat in haar kamer en besittings geplant word. Wie is hierdie onsigbare vyand wat haar probeer stilmaak, en watter geheime bewaak hulle so verbete?
Rondom hulle eis ’n gewetenlose sameswering meer slagoffers, en die kring van gevaar trek al nouer. Terwyl Ryk en Roelien die legkaartstukke bymekaar probeer pas, van ’n vermoorde bruin man tot ’n ou vriend se gekwelde bekentenisse, kom hulle gevaarlik naby aan die gewetenlose meesterbrein en sy makkers. Sal Ryk die net om die skuldiges kan span voordat hy en Roelien self die volgende name op die dodelys word? Gierigheid en geweld is aan die orde van die dag en dit verg alles van Ryk om hom en Roelien lank genoeg aan die lewe te hou om die raaisel rondom die rooi klippies van Tandberg te ontrafel en geregtigheid te laat seëvier.
Meiring Fouche is die skuilnaam van Francois Alwyn Venter (27/11//1916 - 8/1/1997) en is een van Suid Afrika se top skrywers wat oor ’n wye reeks van onderwerpe kon skryf. Ander skuilname wat hy gebruik het vir sy boeke was Marius de Jongh, Elske te Water en Rene Stegman. Onder die skuilnaam Meiring Fouche skryf hy egter meeste van sy boeke en bereik gou groot hoogtes met veral sy vier trek boeke, Offerland, Gelofte land, Geknelde land en Bedoelde land. Na die vroeë dood van Braam le Roux, neem F.A. Venter die bekende Swart Luiperd reeks oor by Braam le Roux en voltooi die reeks van sewentig boeke. Onder die skuilnaam Meiring Fouche skryf hy ook verskeie ander reekse (Baanbrekers reeks, Ryk Schoonraad reeks, Maagd van die See reeks, SA Polisie reeks en Fabel Retief reeks), waarvan die Sahara avontuur reeks seker een van sy heel beste reekse is. Hy het ook verskeie ander boeke geskryf, in reekse soos die SA Polisie reeks, terwyl ’n paar losstaande sagteband boeke ook uit sy pen verskyn het. In totaal het F.A. Venter meer as negentig sagteband boeke geskryf en meer as veertig hardeband boeke. F.A. Venter het ook verskeie kortverhale geskryf. Onder die skuilnaam van Meiring Fouche het hy vier boeke in die Ryk Schoonraad reeks geskryf, waarvan twee ook val onder die Baanbrekers reeks. Al vier boeke handel oor die begin tydperk van Suid Afrika se geskiedenis, toe alles nog woes en leeg was en die lewe nie maklik was vir enigeen nie. Dit kan tereg beskou word as SA se eie “cowboy” tydperk. Die vier boeke, “Die Rooi Klippies van Tandberg”, “Vreemde Vrou in die Wildernis”, “Vuilspel op die Vlaktes” en “Vlamme in die Kalahari”, handel oor Ryk Schoonraad se avonture in die wilde weste. Saam met sy getroue hond Napoleon het hy sy hande behoorlik vol met veediewe en ander skurke. Dan is daar natuurlik altyd ’n mooi dame ook wat hy uit die verknorsing moet red. Vir die lesers wat Meiring Fouche se stories ken, sal weet dat hy hier weereens vier fantastiese verhale geskryf het, oor die unieke tydperk in Suid Afrika se geskiedenis en die leser sal boei met sy verhale van begin tot einde. Maak dus seker jy mis nie uit om hierdie vier puik boeke ook te lees nie.
