Die geniale uitvinder Simon Rand en sy vriendin Nina du Toit het hulle hande behoorlik vol in die wetenskapfiksie verhaal.
USD $4.99
DIE BREINDUIWELS - SIMON RAND REEKS
Op ’n eenvoudige dog slinkse manier is ’n ambisieuse bende besig om die wêreld in hulle mag te kry. Die leiers op alle gebiede van die menslike bedrywigheid word een na die ander die willose slawe van die Breinduiwels.
Die bende brei sy bedrywighede ook na Suid-Afrika uit en sommer uit die staanspoor kry hulle dit te doen met die briljante uitvinder genaamd Simon Rand. Hoewel hy vir ’n kort tydjie die Breinduiwels se spoor byster raak, spoor hy hulle gou weer op en is dit duidelik dat die bende daarna nie meer vir lank ongehinderd met hulle duiwelsplanne sal kan voortgaan nie.
#SimonRandReeks
Geen persoonlike inligting kon oor Jef van Staden opgespoor word nie. Hy het ʼn wetenskapfiksie reeks van ses boeke geskryf met die hoofkarakter se naam as Henk Human, terwyl hy nog ʼn ander wetenskapfiksie reeks ook geskryf het, getiteld die Simon Rand reeks. Hierdie reeks beslaan sewe boeke waar die geniale uitvinder Simon Rand en sy vriendin Nina du Toit, hulle hande behoorlik vol het om die marsmanne van ’n ander planeet te oorwin. Simon Rand noem hulle sommer die Breinduiwels, want hulle kom met geen goeie intensies na die aarde toe nie, buiten om amok te kom saai en die aarde te wil oorneem. Simon Rand kry dit reg om hom te kan verplaas vanaf die aarde na enige planeet wat hy kies, soortgelyk aan hoe die mense in die “Star Trek” flieks verplaas word binne sekondes van een punt na ’n ander. Dit stel hom en sy vriendin in staat om die Breinduiwels se planne aan bande te lê voor hulle groot skade kan aanrig. In een van die stories is daar ’n ruimteskip wat buite beheer raak en in ’n ewige wentelbaan deur die ruimte beland. Daar is mense wat lewend op ys bewaar word vir die nageslag, daar is gammastrale wat alles verkool wat in hul pad kom, daar is besoekers van ’n verre planeet en ’n verbete stryd wat tot die dood toe gevoer word. Dit alles vind plaas in net een van die boeke, getiteld, “Moord op die Agterkant van die Maan”. Soortgelyke dinge vind ook plaas in die ander stories in die betrokke reeks en is daar dus meer as genoeg aksie wat plaasvind, wat selfs die grootste aanhanger van wetenskapfiksie sal tevrede stel met wat hulle lees.
