Fabel Retief se soeke na avontuur by ’n afgeleë herehuis ontaard in ’n lewensgevaarlike stryd teen ’n professor wat ’n dodelike sameswering oor ’n skeepswrak se geheime vrag met sy lewe beskerm.
USD $6.99
4. FABEL RETIEF REEKS - DIE NOODLOTTIGE DATUM
Ver in die godverlate wildernis van Suidwes-Afrika, naby die berugte Seekus van die Dood, staan ’n vergete herehuis, Abendruhe. Die spookagtige legendes rondom die plek is onweerstaanbaar vir Fabel Retief, ’n rustelose oud-speurder met ’n onblusbare dors na avontuur.
Sy eenvoudige soektog na ’n goeie storie ontaard egter vinnig in ’n stryd om oorlewing. Die huis is nie verlate nie. Binne die vervalle mure ontdek hy die enigmatiese Professor Ludwig Dittmar en sy beeldskone, maar duidelik onderdrukte vrou, Irma. Dittmar is ’n man met ’n donker geheim, en hy skram vir niks of niemand weg om dit te beskerm nie. Fabel se nuuskierigheid dompel hom in ’n lewensgevaarlike spel van kat en muis. Hy ontbloot bewyse van ’n onheilspellende sameswering, ’n geheime seekaart, notas oor ou vlootsake en ’n vergete skipbreuk met ’n dodelike vrag.
Gevange in hierdie web van verraad, met genadelose handlangers op sy spoor, moet Fabel nie net vir sy eie lewe veg nie, maar ook om die waarheid agter Dittmar se duister bedrywighede te onthul. Intussen tik die horlosie af na ’n onheilspellende datum: 16 April. ’n Dag wat met vrees en afwagting op ’n kalender omkring is. Wie is die geheimsinnige figuur wat op hierdie noodlottige dag verwag word, en sal Fabel lank genoeg kan oorleef om uit te vind?
#FabelRetiefReeks
Meiring Fouche is die skuilnaam van Francois Alwyn Venter (27/11//1916 - 8/1/1997) en is een van Suid Afrika se top skrywers wat oor ’n wye reeks van onderwerpe kon skryf. Ander skuilname wat hy gebruik het vir sy boeke was Marius de Jongh, Elske te Water en Rene Stegman. Onder die skuilnaam Meiring Fouche skryf hy egter meeste van sy boeke en bereik gou groot hoogtes met veral sy vier trek boeke, Offerland, Gelofte land, Geknelde land en Bedoelde land. Na die vroeë dood van Braam le Roux, neem F.A. Venter die bekende Swart Luiperd reeks oor by Braam le Roux en voltooi die reeks van sewentig boeke. Onder die skuilnaam Meiring Fouche skryf hy ook verskeie ander reekse (Baanbrekers reeks, Ryk Schoonraad reeks, Maagd van die See reeks, SA Polisie reeks en Fabel Retief reeks), waarvan die Sahara avontuur reeks seker een van sy heel beste reekse is. Hy het ook verskeie ander boeke geskryf, in reekse soos die SA Polisie reeks, terwyl ’n paar losstaande sagteband boeke ook uit sy pen verskyn het. In totaal het F.A. Venter meer as negentig sagteband boeke geskryf en meer as veertig hardeband boeke. F.A. Venter het ook verskeie kortverhale geskryf, onder meer vir verskillende tydskrifte. Die Fabel Retief reeks van sewe verhale is ’n uitstekende spioenasie reeks wat reeds in die vroeë sestiger jare geskryf is deur Suid Afrika se meester skrywer van destyds, naamlik F.A. Venter, onder die skuilnaam van Meiring Fouche. Fabel Retief is ’n oud-speurder in die Suid Afrikaanse speurdiens en waar daar moorde en geheimsinnige sake betrokke is, daar sal jy vir Fabel aantref. Hy het sy bynaam verwerf deur die fabelagtige bekwaamheid waarmee hy die ingewikkeldste sake opgelos het, toe hy nog in die Suid Afrikaanse Speurdiens was. Die sewe verhale in die reeks is dek ’n wye veld van gebeurtenisse, van ’n vermiste meisie na ’n moord op ’n skip tot ’n verlate huis in ’n afgeleë woestyn. Dit is Fabel se taak om al die raaisels en geheime te probeer oplos en slegs sy vernuf, kennis en skerp verstand stel hom in staat om die sake te kan ontrafel. Al die verhale is heerlike vermaak vir oud en jonk en hier en daar is daar selfs so bietjie romanse ter sprake.
